雖然今日難得放假一日
但我都冇點真正休息到
今朝開始就一直諗緊點樣做
...

雖然今日難得放假一日
但我都冇點真正休息到
今朝開始就一直諗緊點樣做
先可以幫我哋副導演手
解決佢而家面對嘅問題

希望你哋可以俾少少耐性睇落去

佢面對緊嘅問題
就係佢嚟緊自己編劇同自己主演嘅一套小型舞台劇
嚴！重！滯！銷.....！

識咗陳小東幾年
最近幾個演出佢都有幫我手
佢好幫得手
而且係個好人（好重要）

你哋可能都知我份人毒到爆
個樣又串串貢
身邊嘅人少不免都唔會/唔敢同我講嘢

但上個星期佢竟然鼓足勇氣搵我幫手
一聽都知大鑊

佢個演出開五場
夾埋只係得幾百個位
但係賣咗幾個月
十日後就演出
先賣咗百幾飛....

佢上個星期問我可唔可以幫手
我覺得相比起佢幫過我嘅手
我幫佢出個post宣傳下
絕對係舉手之勞
問題係
點樣至可以真正解決到個問題：
盡量令到多啲人買飛

我諗咗好多日...
諗咗好多方法幫佢宣傳
最後覺得
與其盲目sell套劇有幾好睇、有幾好笑
（我都未睇，點知好唔好睇、好唔好笑）
不如老老實實將個真實情況講畀大家知（得到佢同意）
等大家知道依個演出之後
自己衡量，俾唔俾百幾、二百蚊
去俾一個機會佢
睇吓依個演出究竟好睇定唔好睇
好笑定唔好笑

知道大家未必咁認識佢
無啦啦要買飛睇係好難
你哋自己衡量啦
不必勉強

但如果願意幫我手
畀一次機會佢
以下係買飛方法：
去城市售票網
搜尋「雄顏一笑」
票價：150 / 250

買唔買飛都好
多謝大家睇到呢度及賜like
我當自己任務完成一半
因為上個星期，6日內做咗9場
我依家真係去休息了 😪😪😪
如果唔係真係會死...

---